«Սնկերի աշխարհ» ԱՍՁ

Մենք՝ Եղեգաձորի վարժարանի աշակերտներս՝ 

• Լուսինե Հարությունյան, Արման Գրիգորյան, 
• Գոռ Թադևոսյան, 
• Անգելիա Խաչատուրյան և 
• Խաչիկ Դավթյան, 

ստեղծել ենք աշակերտական թիմ՝ «Սպիտակ ոսկի», որի նպատակն է զարգացնել սոցիալական ձեռնարկատիրության հմտություններ՝ միաժամանակ ստեղծելով տեսանելի և արժեքավոր արդյունք մեր դպրոցական համայնքի համար։

‍

Մեր նախաձեռնությամբ ստեղծել  ենք աշակերտական սոցիալական ձեռնարկություն՝ «Սնկերի աշխարհ», որը զբաղվելու է Կախասնկի (սպիտակ սունկի) արտադրությամբ և վաճառքով։ Սունկն ընտրել ենք ոչ միայն առողջարար և պահանջարկ ունեցող մթերք լինելու պատճառով, այլև այն պատճառով, որ արտադրության գործընթացը հետաքրքիր, մատչելի և ուսուցողական է։

‍

Այս ծրագրի միջոցով մենք նպատակ ունենք՝

• Ձեռք բերել գործնական գիտելիքներ տեխնոլոգիայի, տնտեսագիտության, կենսաբանության և մաթեմատիկայի ոլորտներից։
• Մշակել թիմային աշխատանքային, նախաձեռնողական և ձեռնարկատիրական հմտություններ։
• Ապացուցել, որ դպրոցական տարիքից հնարավոր է նախաձեռնել և իրականացնել սոցիալական նշանակություն ունեցող նախագիծ։
• Գործուն եղանակով նպաստել մեր դպրոցի զարգացմանը։

Նախագծի սոցիալական ուղղվածությունը շատ կարևոր է մեզ համար. «Սնկերի աշխարհ» ձեռնարկությունից ստացված շահույթը կուղղենք մեր վարժարանի իրական խնդրին՝ սպորտային դահլիճի վերանորոգմանը։ Այս կերպ մենք դառնում ենք ոչ միայն սովորողներ, այլ նաև նախաձեռնող, պատասխանատու և հասարակության զարգացմանը նպաստող քաղաքացիներ։

Մենք հավատում ենք, որ մեր այս փոքր նախագիծը կարող է դառնալ մեծ փոփոխությունների սկիզբ։