Մենք ներկայացնում ենք «HonneyBerd» ԱՍՁ-ն։ «HonneyBerd» ԱՍՁ-ի անդամներն են՝
- Սալոյան Կնյազը՝ վաճառքի պատասխանատու
- Թադևոսյան Համլետը՝ ընդհանուր աշխատանքների կազմակերպիչ
- Մկրտչյան Մարիամը՝ մարքետինգ, տուփերի և կոնֆետների դիզայն
- Հարությունյան Լիանան՝ ֆինանսական պատասխանատու
- Նազարյան Վրեժը՝ ապրանքների, մթերքի պատասխանատու
- Աբրահամյան Նորայրը՝ սանիտարահիգիենիկ կանոնների պահպանման պատասխանատու
Մենք 10-րդ և 11-րդ դասարանների աշակերտներ ենք, ովքեր, մասնակցելով ԱՍՁ ՍՁ դասընթացներին, մշակեցինք չրերից կոնֆետների պատրաստման մեր յուրահատուկ գաղափարը, որը հաղթող ճանաչվեց։
Մեր նպատակն է լուծել Արմավիրի մարզի Ամբերդ գյուղում ծառացած մի շարք խնդիրներ՝
- Գյուղում շատ կան մրգերի այգիներ, որոնց բերքը կարկուտի, ամառվա ընթացքում չիրացվելու պատճառով փչանում է կամ գնանկման պատճառով գյուղացին ֆինանսապես տուժում է։
- Շատ կանայք չունեն աշխատանք։ Մեր նպատակն է ապահովել գյուղաբնակ կանանց աշխատանքով։
- Գյուղում կան մեղվաբույծներ, որոնք արտադրանքի իրացման խնդիր ունեն։ Մեր նպատակն է համագործակցել նրանց հետ։
«HonneyBerd» ՍՁ-ն պատրաստում է չորամրգով, արմավով, ընդեղենով և մեղրով առողջարար կոնֆետներ։ Դրանք վաճառվելու են տուփերով՝ յուրաքանչյուր տուփում 8-10 կոնֆետ։ «HonneyBerd» կոնֆետները միայն բնական մթերքներից են, առողջարար են և իրենց յուրահատուկ բաղադրությունով, տեսքով և համով տարբերվում են շուկայում առկա մնացած կոնֆետներից։
Ուսումնասիրեք ավելին
ԱՐԵՎԱՀՈՒՆՑ ԱՍՁ
Մեր նպատակն է համատեղել շրջակա միջավայրի նկատմամբ պատասխանատվությունը, առողջ ապրելակերպը և կայուն համայնքային զարգացման գաղափարը՝ տեղական մրգերից և խոտաբույսերից պատրաստելով բարձրորակ, էկոլոգիապես մաքուր արտադրանք։
«Սնկերի աշխարհ» ԱՍՁ
Մեր նախաձեռնությամբ մենք ստեղծել ենք «Սնկերի աշխարհ» սոցիալական ուսանողական ընկերություն, որը կզբաղվի սպիտակ սնկերի արտադրությամբ և վաճառքով։ Մենք ընտրել ենք սունկ ոչ միայն այն պատճառով, որ այն առողջարար և պահանջարկ ունեցող ապրանք է, այլև որովհետև արտադրական գործընթացը հետաքրքիր է, մատչելի և կրթական։
